كان في نقاش بيني وبين احد الاصدقاء عن شغلة الورثة والتوريث عنا نحن المسيحيين وبعد عدة نقاشات اكتشفت انوا في عنا فقر بالمعلومات انا وصديقي بهالخصوص (يعني عم نحكي ومانا متأكدين)..
هلق حسب علمي انوا بزيدل بيتبعوا العادات والاعراف الاجتماعية يعني مثلاً المراة المتزوجة والمتوفية مابيطلعها ميراث لاولادها ..وعادة بصير اتفاق بين الاهل يعني البنات بيتنازلوا لاخواتهم الشباب عن حصصهم وبيتم التوزيع بالتساوي بين الشباب ..
طيب في عندي بعض الاسئلة للي عندوا معلومات اكيدة عن هالموضوع ..
هل نظام الورثة عند المسيحيين في الدولة مثل المسلمين (يعني الرجل بيآخذ حصة 2 بنات )؟
هل نظام الورثة موحد بين المسيحيين في سورية بشكل عام ؟
هل نظام الورثة موحد بين المسيحيين في مصر ولبنان وسورية ؟
سبب الموضوع انوا صديقي سوري من حمص وعندوا ورثة من ابوه المتوفي وأمه اللي بعدها عايشة ..بيوت وأراضي ومحلات وفي شوية خلاف بين العمومة على الميراث والاراضي والبيوت (بعدوا كلشي باسم الجد) .. وعلى حسب الحكي انوا القضاء بهيك موضوع بيآخذ سنين وسنين ويمكن مايخلص إذا الأهل مابيتفقوا ببعضهم ..!!
ياريت اللي عندوا معلومات أكيدة عن هالموضوع أو أسئلة كمان يشاركها معنا بخصوص موضوع الميراث داخل زيدل وخارج زيدل ...
وشكرا كتير لكل اللي بدوا يضيف كلمة